‘सानो पर्दाका घरमा, चलचित्रका डेरामा’ सूर्यकुमार क्षेत्री/ उज्यालो । काठमाडौं – धेरैलाई लाग्न सक्छ नेपालका प्रायजसो नायक नायिकाले घरघडेरी र गाडी जोडीसके । तर नेपाली चलचित्र उद्योगमा राम्रैसँग जमेका धेरै कलाकारको बास अहिले डेरामै छ । त्यसो त डेरामा बस्नु र पैसा कमाउनु फरक कुरा हुन् । तर डेरालाई एउटा आधार मान्ने हो भने धेरै नेपाली कलाकारको कमाई सन्तोषजनक छैन । चर्चामा आएर देश विदेश चहारेका नायक, नायिका अहिले महिनैपिच्छे घरधनीलाई भाडा बुझाउँदै बसेका छन् । ठूलो पर्दामा सुकिला, मुकिला र सभ्रान्त देखिने कलाकारलाई मासिक भाडा बुझाउन धौं धौं भएका बेला सानो पर्दा अर्थात टेलिश्रृंखलाका कलाकारले भने घर गाडी जोडिसके । हाँस्य टेलिश्रृखंलामा अभिनय गर्ने कतिपय नाम चलेका कलाकारका काठमाडौंमा भव्य महल र गाडी छन् । ‘तितो सत्य’ का दीपकराज गिरी, दीपाश्री निरौला, ‘मेरी बास्सै’ का केदार घिमिरे (माग्ने बुढा) सिताराम कट्टेल (धुर्मुश), ‘जिरे खुर्सानी’ का जितु नेपाल (मुन्द्रे) मनोज गजुरेललायतका कलाकारको जीवनस्तर अभिनय बाट नै बदलिएको छ । टेलिभिजनमा प्रसारण हुने हाँस्य टेलिश्रृखंला र देश बिदेशमा हुने स्टेज कार्यक्रमले उनीलाई मनग्गे दाम कमाउने अवसर जुटायो । अभियनकै भरमा मेरी बास्सैका माग्ने बुढाले पाँच बर्षअघि ललितपुरको इमाडोलमा साढे दुई तले घर ठड्याइसकेका छन् । धुर्मुशको धापाखेलमा, दीपकराज गिरीको एयरपोर्टमा, जितु नेपालको नरेफाँटमा र मनोज गजुरेलको बालकोटमा घर छ । केदार घिमिरे ‘माग्ने बुढा’ भन्छन्, ‘काठमाडौंमा बाँचेर घर बनाउन धेरै गाह्रो छ । देश बिदेशको कार्यक्रमले मलाई निक्कै सघायो ।’ ठूलो पर्दाका डेरामा ठूलो पर्दा अर्थात चलचित्रमा अभिनय गर्ने हिरो हिरोइन अझै डेरामै छन् । आफू अभिनित आधा दर्जन भन्दा धेरै फिल्म हिट भएका नायक आर्यन सिग्देलको बास अहिले पनि डेरामा छ । फ्ल्याट लिएर बसेका सिग्देल व्यस्त नायकमा पर्छन् । सिग्देल मात्रै हैन त्यसरी नै चलेका जीवन लुईटेल, राजवल्लभ कोइराला, सुमनसिंह पनि डेरामै बस्छन् । नायिका पनि उस्तै नायक मात्र हैन नायिकाको अवस्था पनि त्यस्तै छ । चलेका नायिकाहरु नम्रता श्रेष्ठ, ऋचा शर्मा, सुष्मा कार्की, नन्दिता केसी पनि डेरामै बस्छन् । पछिल्लो समयमा चलेका कलाकारको मात्र यो अवस्था हैन, झण्डै दुई दशक सिनेमा क्षेत्रमा बिताएका धेरै अभिनेताको अवस्था नाजुक छ । राते काँइला नामले परिचित अभिनेता सुनिल थापाको बसाई डेरामा नै छ । सुनिल थापा काठमाडौंको थापागाउँमा भाडामा बस्न थालेको बर्षौ भयो । थापासँगै सिनेमा क्षेत्रमा लागेका अर्का कलाकार दीपक क्षेत्रीको हालत पनि त्यही हो । क्षेत्री अझैसम्म पनि एउटा कोठामै दिन गुजार्दै आएका छन् ।

ऊज्यालो 90 नेटवर्क सधै यसरी नै खोजमुलक समाचार अनि मिठा मिठा मनोरन्जन मुलक कार्यक्रम पस्कदै जाओस १५ औँ वर्ष पुरा गरेकोमा धेरै धेरै बधाई ।

दोहा विमानस्थलमा १० लाख अमेरिकी डलर -झन्डै ८ करोड ८७ लाख रुपैयाँ) चिट्ठा पर्ने नेपाली डिल्लीराम पराजुलीको खोजी हुन थालेको छ । 'ड्युटी फ्री' को उक्त भाग्यशाली चिट्ठाले पराजुलीलाई बिहीबार करोडपति बनाएपछि स्थानीयबीच ठूलो चर्चा छ । डिल्लीरामको नेपालको पूरा ठेगाना पत्ता लागेको छैन भने उनी चिट्ठा दाबी गर्न अहिलेसम्म आएका छैनन् । कतार एयरवेज तथा कतार ड्युटी प|mी सपका प्रमुख कार्यकारी अधिकृत अकबर अलवाकरले बिक्री भएका पाँच हजार चिट्ठाबाट एउटा रसिद निकाल्दा पराजुलीको भाग्य चम्किएको हो । सार्वजनिक रूपमा गरिएको कार्यक्रममा १९२२ नम्बरको चिट्ठा निकाल्दै प्रमुख कार्यकारी अधिकृत अलवाकरले पराजुलीलाई 'बधाई' दिएका थिए ।

कलाकार हरिवंश आचार्यको आत्मकथा ‘चिना हराएको मानिस’मा उनले आफ्नी पत्नी मीरा आचार्यको शोकमा भगवानसँग आक्रोशित भएर लेखेको कविता सम्पादकद्वय रवीन्द्र समीर र अमर न्यौपानेले हटाइदिए । ‘मैले यो कविता राख्नुपर्छ भनेर कति जिद्दी गरेको थिएँ तर उहाँहरूले मान्नुभएन,’ ‘चिना हराएको मानिस’को सार्वजनिकीमा आइतबार हरिवंशले भने !

आइसिसी विश्व क्रिकेट लिग डिभिजन थ्री को आफ्नो पहिलो खेलमा नेपाल अमेरिकासँग ९४ रनले पराजित भएको छ । बर्मुडाको समरसेट मैदानमा आइतबार राती अमेरिकाले दिएको ३ सय ६७ रनको लक्ष्य पच्छ्याएको नेपाल एक बल बाँकी छँदै २ सय ७२ रनमा अलआउट भयो । नेपालका लागि कप्तान पारस खड्काले ७३ र शरद भेषवाकरले ७२ रन बनाएपनि जिताउन सकेनन् । नौ नम्बरमा ब्याटिङ गर्न आएका शक्ति गौचनले ३९ र प्रारम्भिक ब्याट्सम्यान सुवास खकुरेलले २३ रन बनाए भने अरुले खासै योगदान गर्न सकेनन् । टस जितेर फिल्डिङ रोज्नु नेपालका लागि महङ्गो सावित भयो । बसन्त रेग्मी बाहेक सबै नेपाली बलर पिटिए । नेपालका सबैभन्दा किफायती बलर भनेर चिनिएका शक्ति गौचन सबैभन्दा महंगो सावित हुँदै नौ ओभरमा ८१ रन दिए । दुइ विकेट लिएका बसन्तले १० ओभरमा ४६ रन खर्चे । अरु बलरले पनि हरेक ओभरमा ७ भन्दा धेरै रन दिए । सञ्जम रेग्मीको बलमा आउट हुनुअघि स्टेभेन टेलरले १ सय ६८ रन बनाएपछि अमेरिकाले ३ सय ६६ रनको विशाल योगफल खडा गरेको थियो । खेलपछि नेपाली कप्तान पारस खड्काले ४० रन बढी दिँदा हार्नु परेको प्रतिक्रिया दिनुभयो । नेपालले दोस्रो खेलमा सोमबार बेलुकी युगाण्डासँग खेल्नेछ । कप्तान खड्काले प्रतियोगिताका सबै खेल महत्वपूर्ण हुने बताउनुभयो ।

sanupati ma tapai ko pahilo view kasto lagyo ta

tapai ko sallaha hamro safalata

sanupati: