चितवन, बैशाख २५ – करिब एक करोड रुपैयाँ हिनामिना गरेको अभियोगमा जिल्ला प्रहरी कार्यालय चितवनले हिमालयन बैंक लिमिटेड नारायणगढ शाखाका दुईजना कर्मचारीलाई पक्राउ गरेको छ । बैंकका सुपरभाईजर चितवन भरतपुर ९ बस्ने ४२ बर्षका शेरबहादुर थापा र कनिष्ट सहायक पदमा कार्यरत नवलपरासी गैडाकोट २ बस्ने बर्ष २७ का प्रकाश बराल पक्राउ परेका हुन् । हिमालयन बैंकले थापा र बरालले करिव एक करोड रुपैया हिनामिना गरेको जाहेरी दिएपछि दुबै जनालाई पक्राउ गरि अनुसन्धान अगाडी बढाइएको जिल्ला प्रहरी कार्यालय चितवनले जानकारी दिएको छ । युरोपेली मुलुक साईप्रसमा रहेकी चितवन जुटपानी २ की टुंग कुमारी घिमिरेल बैंकमा जम्मा गरेको ४४ लाख र बैंकको समेत गरी एक करोड हिनामिना भएको उजुरीमा उल्लेख छ । उनीहरुमाथि बैंकिङ कसुर अपराध मुद्दा अन्तर्गत अनुसन्धान भैरहेको छ ।